Pop se hande staan vir min verkeerd, maar op die vooraand van haar vyftigste verjaardag is sy moedeloos. Haar dobbelverslaafde man, niksnut van 'n seun, Evan, die verarmde kleinhoewe en die versorging van haar hoenders druk swaar op haar skouers.

Dan kom Evan terug ná 'n verkwiste gap-jaar in Engeland saam met Sue, sy swanger bruid van Indonisiese afkoms. Twee agtereenvolgende tragedies laat hul wêreld aan skerwe spat en boonop is 'n opgesmukte geldskieter op Pop se spoor.

Wanneer Sue haar wortels in Bali gaan soek, besluit Pop om ook sin van haar eie lewe te gaan maak op dié eiland van die gode. Sal Evan alleen staande bly? Gaan skoonma en skoondogter dít kry waarna elkeen van hulle smag? En sal Maria Magdalena, die verstote hoenderhen en Sue se enigste vertroueling, ook haar tuiskoms kry?

In Julie 2009 het Riaan Manser die wêreld verstom met nog 'n rekordbrekende prestasie - die eerste persoon wat die vierde grootste eiland ter wêreld, MADAGASKAR, met 'n kayak omseil het!

Hierdie epiese reis van 5 000 km het hom 11 maande geneem en was vol uitdagings, fisies en geestelik. Hy het uiterste eensaamheid deurstaan te midde van gevaarlike beproewinge soos donderende golwe, verwoestende siklone en 'n brandende son wat hom amper lewendig gepekel het, saam met die soutwater.
Ontdek die asemrowende ontmoetings met Madagaskar se seelewe terwyl Riaan die eiland omseil het - boggelrugwalvisse wat meters van sy kayak af opspring, resuagtige leerrugskilpaaie wat saam met hom swem, en selfs 'n haai wat sy boot gestamp het.
Tussen die ontstuimige politieke onrus in Madagaskar deur, het Riaan dapper gereis en sy avontuur het hom selfs in die tronk laat beland - vyf keer om presies te wees. Sy moed en volharding is egter beloon toe hy in April 2010 erkenning ontvang het as die "Adventurer of the Year 2009".

Iemand wat VERDRINK.
Iemand met 'n donker GEWETE.
Iemand wat van sy FAMILIE vertel.
Iemand wat wil VLIEG.
Iemand wat 'n VLOEKWOORD hoor.
Iemand wat nie kan SIEN nie.
Iemand wat ORANJE word.
Iemand wat GESOND EET vir Instagram-likes.
Iemand wat KLIPPE en klappers gooi.
Iemand in SWART-EN-WIT.
Iemand wat beheer VERLOOR.
Iemand wat 'n BOOT vir sy pa bou.
Iemand wie se lewe VERFROMMEL.
Iemand wat vir die eerste keer GIM toe gaan.
Iemand wat reëls maak en WRAAK neem.
Iemand wat BEGRAFNISBLOMME kry vóór hy sterf.
Iemand en haar ouma en 'n klomp BEFOETERDE vroue.
Iemand wat na appels RUIK.
Iemand wat, die VET weet, klaar is met koolsop.
Iemand wat ZOMBIES skiet.
Iemand vir wie mieliepap soos ARMOEDE smaak.
Iemand wie se SKOOLTAS wegraak.
Iemand wat ongelukkig 'N GELUKKIGE TREKKING wen.
Iemand wat 'n nuwe HART kry.
Iemand met 'n STERT.

Ontmoet hulle almal in hierdie bundel. En word iemand wat verdrink in stories.

Toe Marco sy biologiese pa ontmoet, is dit die antwoord op baie vrae. Dié regte antwoord, wanat Dirk du Toit is iemand soos wie hy graag wil wees.

Die eintlike vrae kom egter nog. Wat nou van die mense wat Marco in die stad gelos het? Wat is sy halfbroer se probleem? En Dirk se vrou s'n? Word hy agtervolg?

Alles is reg aan Dirk, maar soveel is verkeerd óm hom...

Soos die titel belowe, is "Verkleurmannetjie" nie net een soort storie nie. Hier is meer ratverwisselings en onthullings as in 'n hele TV-reeks, deur 'n skrywer wat weet hoe werk 'n tiener se kop - en hou van hoe dit werk!

"Sinkhuisresepte" is Willie Strauss se tweede resepteboek en volg op "Daar is 'n engel in my koskas". In sy sinkhuis, een van die oorspronklike huise in Cullinan, maak hy vinnige en pretensielose kos wat hy vir gaste as 'n visuele en kreatiewe fees voorsit.

Willie se stories gaan jou breed laat glimlag en sommige sal jou laat terugverlang na jou ma en ouma se kombuis met die bekende geure van anys, vleispastei, appelkoos en bros deegkors. Dis meer as 100 smaakvolle resepte met bestanddele wat jy reeds in jou koskas het, bevat ook interessante nuutjies soos vye-en-biltong-paella en selfs peuselhappies vir jou dierekinders. "Sinkhuisresepe" nooi jou om saam met WIllie in sy sinkhuis te kuier.

Wian is dikmond dat hy saamgesleep word na Parys, Frankryk terwyl sy pa daar moet werk.

Gelukkig kom sy pelle saam. En Wian is darem opgewonde oor een ding: Hy kan uiteindelik na die Viking-museum toe gaan. Hy is MAL oor die Vikings!

Maar watter vreemde ding gebeur dat hy skielik die Vikings in lewende lywe ONTMOET?!

Hoe ontsnap hy toe 'n Viking-vegter hom met sy swaard wil deurboor?
En hoe gaan hy ooit kan terugkom uit Parys van 'n 1 000 jaar gelede na VANDAG?

Lees saam aan hierdie wegholrit van 'n avontuur!

Dis die betekenis van die kosmosblom wat Ellie Brink laat besluit het sy wil in dié laan bly en haar kinders hier grootmaak: "joy in love and life". Sy is nogal behep met blomme en kinders, en toe sy dié beskrywing van die kosmosblom lees, het sy geweet dis háár laan.

"Die vroue van Kosmoslaan" vertel die stories van vyf uiteenlopende vroue. Ellie skryf kinderboeke en wens sy kan swanger raak en haar stories vir haar eie kind vertel. Ida Scholtz se man en seun is saam in 'n motorongeluk dood en nou bly Claire, haar skoondogter, by haar. Marella is 'n prokureur en lewe streng volgens vooraf uitgewerkte lysies. Julia en haar seun, Rudi, bly ook in die laan en Julia is bly dat sy destyds die huis in haar naam gesit het, want haar man het saam met sy sekrataresse weggeloop en nou het sy en Rudi darem 'n dak oor hul koppe. Alma en Jurie bly langs Ellie en wanneer Alma se dogter verdwyn, begin almal in die laan na haar soek.

Die vroue deel hul pyn en vreugde met mekaar wanneer hulle een keer 'n maand bymekaar kom om te brei. Dit was Marella se idee om die groep te begin al was dit nie die intensie om so gereeld bymekaar te kom nie. Die breigroep word die vroue se toevlug en die kosmosblom word 'n teken van tweede kanse, hoop, drome en geluk.

Die boeiende verhaal is elke vrou se verhaal. Die vroue van Kosmoslaan ervaar God se genade en sy beloftes om te voorsien wanneer hulle dit die nodigste het.

Wat sal jy doen as 'n boelie jou goudvis in die skool se toilet afspoel?

Dit is presies wat met Dennis gebeur. Gelukkig kry hy sy goudvis terug. Maar iets is nie reg nie... Kort voor lank begin Flaffie vreemde goed doen - soos om Dennis se huiswerk op te eet! Daar wag 'n GROOT skok op die hele skool...

Ben gaan in sy heel eerste rugbywedstryd speel. Sy maag gee sommer so 'n wilde draai as hy net aan die wedstryd dink. In die wedstryd druk Ben 'n uitstekende drie... maar onder die verkeerde pale! Ben voel baie skaam oor hierdie fout, maar Pappa lees vir hom in die Kinderbybel dat hy nie skaam hoef te wees vir foute nie.

Is jy gereed om HOENDERVLEIS te kry?

Slaap 'n nag lank in die spookkamer, trek 'n paar grillerige handskoene aan of waag dit om in die Middernagmeer te swem...

Hierdie versameling stories en rympies sal selfs die dapperste leser heerlik laat ril en gril!

Vir Tiaan Langenegger was dit sedert sy kinderjare 'n droom om sy eie kookboek te hê. Na aanleiding van Tiaan se kookprogramme "Tiaan onthou", "Tiaan kook" en "Tiaan proe" op kykNET en Showmax het hy baie navrae van kykers gekry oor waar hulle die resepte kan kry, en só is die idee vir sy eie kookboek gebore. Dit is geïnspireer deur sy ma en ouma se kos, en hy deel ook resepte wat hy deur die jare geleer maak het waar hy in verskillende bekende restaurante gewerk het.

Carmen Niehaus het reeds meer as twintig kookboeke uitgegee en "LEKKER & GOED: Heerlike kos propvol heilsaamheid" is haar jongste.

Dis 'n lekker-eet-boek met ou bekendes en nuwelinge wat gesonder gemaak is sodaat jy steeds heerlike kan eet sonder om skuldig te voel. "LEKKER & GOED" sluit ook 'n paar laekoolhidraat-, glutenvrye en vegetariese resepte in wat heelwat vars en onverwerkte produkte bevat.

Carmen strewe na 'n gesonde lewenswyse, en haar kookfilosofie en grootste uitdaging is om alledaagse kos gesonder te maak sonder om smaak og geur in te boet. Eerder as 'n dieetboek of gesondheidshandleiding gaan dit meer oor 'n Mediterreense eetstyl met insiggewende gesondheidsinligting, goedgekeur deur 'n dieetkundige en nuwe, breedvoerig toegeligte maniere van kook.

Bederf jou gaste met haar vernuwende en inspirerende resepte sonder om ure in die kombuis deur te bring.

Van babakomberse en sjaals tot truie en bykomstighede, hierdie hekelboek bied 'n versameling van 50 hoogtepunte uit die baie suksesvolle reeks, "Hekel saam met Vrouekeur". Die 50 hekelpatrone beloof om elkeen se hekellus te bevredig en jou te inspireer om daardie projek aan te pak. Die patrone is eenvoudig genoeg dat enigiemand dit kan hekel. Daar is 'n groot verskeidenheid patroonsteke en nuttige wenke wat jou die vaardigheid gee om ook ander artikels te hekel.

Children will enjoy hours of fun colouring in this selection of Africa's most striking flowers. There are more than 40 images to colour in, each accompanied by an interesting caption - to help budding artists and young naturalists learn about the natural world as they work through the book.

In the middle of the book is a gallery of all the creatures and plants in full colour, providing a clear guide to which crayons or paints to use when colouring in the outlined images.

Toe Blouvlerkie eendag spoorloos verdwyn, wil Muis, Krimpvarkie en Eekhoring eers glad nie glo wat gebeur het nie. Hul maatjie is dood. Beteken dit hulle sal nooit weer saam met hom aan bessies smul nie?
Nooit weer neute saam met hom soek nie? Die drie is diep hartseer.

Maar hoe vertroostend is dit toe hulle, met die hulp van wyse Uil, uitvind dat Blouvlerkie voortleef in die herinneringe en stories wat sy vriende oor en oor met mekaar deel.

'n Deernisvolle verhaal oor die dood en afskeid.
Geskik vir kinders en die hele gesin.